Ajit Pawar Plane Crash : अपघातानंतर अजितदादांची ओळख गॉगल आणि वॉच वरून पटली; प्रत्यक्षदर्शी महिलेचा थरारक अनुभव
Ajit Pawar News : महाराष्ट्राचे उपमुख्यमंत्री अजित पवार यांचे बारामती येथे विमान लँडिंग करताना झालेल्या दुर्घटनेत निधन झाले. या अपघातात त्यांच्यासह पाच जणांचा मृत्यू झाला. प्रत्यक्षदर्शीनी दिलेल्या माहितीनुसार अजित पवारांची दोन गोष्टींवरून ओळख पटल्याचं सांगितलं. महाराष्ट्राचे उपमुख्यमंत्री अजित पवार यांच्या निधानाच्या बातमीने सर्वांनाच धक्का बसला.
राजकारणातील दादा माणूस असलेल्या अजित पवारांच्या अकाली जाण्याने महाराष्ट्र शोकात बुडून गेला आहे. बारामतीमध्ये विमान लँड करत असताना दुर्घटना घडली आणि दादांसह पाच जणांचा मृत्यू झाला. अजित पवारांच्या जाण्याने पवार कुटुंबाला मोठा धक्का बसलाय. ज्या ठिकाणी अपघात झाला, तिथे राहणाऱ्या काही जणांनी प्रत्यक्ष डोळ्यांनी ही दुर्घटना पाहिली. या अपघातमध्ये दादांना कसं ओळखलं? याबाबत तिथे असलेल्या प्रत्यक्षदर्शींनी सविस्तरपणे सांगितलं आहे.
आमच्या घरामागेच विमानाची धावपट्टी आहे, काम करत असताना आलेलं विमान पाहिलेलं पण तेव्हा चांगलं गेलं. जेव्हा ते माघारी आलं तेव्हा खूप खाली आलेलं. आम्ही बाहेरच होतो, त्यानंतर विमान धावपट्टीच्या कडेला गेलं आणि क्रॅश झालं. आमच्या घरामागे विमानाचे काही पार्ट पडले होते, विमानतळावरील लोकांना फोन केला आणि माहिती दिली. मोठा स्फोट झाला कोणीच काही करू शकत नव्हतं. स्फोट झाल्यावर आम्ही घाबरलो, पलीकडे गेलेलो. पोलिसांनी आम्हाला बोलावून घेतलं आणि पाणी आणायला लावला, त्यांची बॉडी उडून पडलेली आम्ही प्रत्यक्षात पाहिलेली. धड दिसलं नाही आणि अर्धी बॉडी फुगलेल्या अवस्थेत होती. ब्लँकेट दिलं आणि ती गुंडाळली. हे १५-२० मिनिटे सुरू होती. आम्हाला माहिती नव्हतं सुरूवातीला की ते दादा आहेत. दोन बॉडी बाजूला आणि इतर तीन बॉडी त्यामध्ये अडकून पडलेल्या होत्या, असं प्रत्यक्षदर्शी महिलेने सांगितलं. तर दादांची ब़ॉडी आम्ही गॉगल आणि वॉच वरून ओळखलं. हे दादाच आहेत म्हणून त्यानंतर पहिली आम्ही त्यांची बॉडी काढली.
सकाळी हे ८.४५ च्या दरम्यान झालं होतं, असं दुसऱ्या प्रत्यक्षदर्शीने सांगितलं. TIMES OF INDIA: विमान खूप अंतरावर खाली, त्यांनी उतरवायचा प्रयत्न केला पण ते चढू शकलं नाही. स्फोट खूप मोठा होता, दोन बॉडी आजूबाजूल पडलेल्या होत्या, असं तिसऱ्या प्रत्यक्षदर्शीने सांगितलं. विमानाचा वरती असतानाच काहीतरी वेगळा म्हणजे बिघाड झाल्यासारखा आवाज येत होता. दोन राऊंड झाले पण विमानाला धावपट्टीवर उतरता आले नाही आणि काही वेळाने तिथेज शेजारी हे विमान क्रॅश झाल्याचं प्रत्यक्षदर्शी म्हणाला. विमान अपघातात एकूण पाच लोकांचा मृत्यू झाला.
उपमुख्यमंत्री अजित पवार, अंगरक्षक विदीप जाधव, कॅप्टन शांभवी पाठक, पायलट कॅप्टन सुमित कपूर, फ्लाईट अटेंडंट पिंकी माळी अशी अपघातामध्ये मृत्यू झालेल्यांची नावे आहेत. शांभवी पाठक, अजित पवार यांच्या विमानाच्या पायलट पैकी एक होती. २०१९ साली तिने कमर्शियल पायलटचे लायसन्स मिळवले होते. सध्या VSR कंपनीत पायलट म्हणून कार्यरत होती. तर ३६ वर्षांचे विदीप जाधव हे मुंबई पोलीस दलातील २००९ बॅचचे शिपाई होते. गेली पाच वर्षे ते अजित पवार यांचे खासगी सुरक्षारक्षक म्हणून कार्यरत होते.